Թուրքիայի արտգործնախարար Մեւլյութ Չավուշօղլուն մեկնաբանել է թուրք առաջնորդ Ռեջեփ Թայյիփ Էրդողանի հայտարարությունը ԵՄ-ին երկրի անդամակցության հարցով հանրաքվեի անցկացման հնարավորության վերաբերյալ, հայտնում է Anadolu-ն:
«Իհարկե, ԵՄ-ի հետ բանակցությունների ավարտից հետո Թուրքիայի իշխանությունները կհարցնեն ժողովրդի կարծիքը: Մենք ուժ ենք քաղում ժողովրդից: Դա վերաբերում է նաեւ լճացման ժամանակներին: Եթե բանակցային գործընթացը փակուղի մտնի, ինչպես այդ մասին արդեն հայտնել է Թուրքիայի նախագահը, հետագա քայլերը մենք կարող ենք քննարկել ժողովրդի հետ», — հայտնել է Չավուշօղլուն:
Ավելի վաղ Թուրքիայի նախագահ Ռեջեփ Թայյիփ Էրդողանը հայտնել էր, որ չի բացառում ԵՄ-ին Թուրքիայի անդամակցության հարցով երկրում այնպիսի հանրաքվեի անցկացումը, ինչպիսին անցկացվում է Մեծ Բրիտանիայում: Էրդողանի խոսքով, Եվրոպական Միությունը Թուրքիային իր կազմի մեջ չի ընդունում, որովհետեւ երկրի բնակչության մեծամասնությունը մահմեդականներ են, հայտնում է Gazeta-ն:
