Ֆուտուրոլոգ գիտնականների կարծիքով, 2100 թվականին մոտ մարդկանց որսը երկրի հարուստ բնակիչների շրջանում տարածված զվարճանք կդառնա: Նման կանխատեսմամբ հոդված է ներկայացվել Futures ամսագրում, իսկ հետազոտության մասին համառոտ տեղեկացնում է The Daily Mail-ը:
Կենտրոնական Լանկաշիրի համալսարանից Դենիել Ռայթը եւ նրա գործընկերները ենթադրում են, որ մարդկանց որսը հարյուրամյակի ընթացքում տարածված զվարճանք կդառնա, իսկ 2200 թվականին մոտ հեռուստատեսությամբ կհեռարձակվի, ինչպես «Քաղցած խաղեր» ֆիլմում:
Գիտնականները դեպքերի նման զարգացման նախադրյալներ են համարում «մութ զբոսաշրջության»` համակենտրոնացման ճամբարներ, խոշտանգումներ իբազմաթիվ թանգարաններ այցելությունների եւ նման այլ զվարճանքների աճող ժողովրդականությունը: Ժամանակակից կինոյի եւ զանգվածային լրատվամիջոցների ազդեցությամբ սպանության եւ դաժանության թեմաներով հասարակության տարվածության հետեւանքով մարդիկ կսկսեն մահը որպես տեսարժան մի բան ընկալել:
Սակայն սպանությունների «ժողովրդականացումից» դեպի մարդկանց իրական որս անցման համար նաեւ գլոբալ անհավասարության աճ անհրաժեշտ կլինի հարուստների եւ աղքատների միջեւ: Մաքուր ջրի պակասը, սննդային ռեսուրսների անհետացումը, գերբնակեցումը կհանգեցնեն նրան, որ ավելորդ բնակչության վերացումը նորմա կդառնա: Այդտեղից հեռու չէ նաեւ նման «ժողովրդագրական միջոցները» դիտարժան միջոցառման վերածելը, նշում է Ռայթը, հայտնում է Lenta-ն: