Աճուրդի են հանել Ուիթնի Հյուսթոնի անձնագիրը, հագուստներն ու պարգեւները: Բեւեռլի Հիլզում աճուրդի կհանվի, ընդհանուր առմամբ, ավելի քան 100 իր, որոնք պատկանում են հանրահայտ երգչուհուն եւ նշանավորում նրա 30-ամյա կարիերան: Այս մասին հաղորդում է NTDTV-ն:
Ամերիկյան անձնագրի մեկնարկային գինը, որը երգչուհին օգտագործել է 1985 թվականին՝ համաշխարհային առաջին շրջագայության ժամանակ, 1300 դոլար է:
Աճուրդի շրջանակում կվաճառվեն նաեւ այս աշխարհից հեռացած այլ փոփ աստղերի իրեր: Մասնավորապես, Փրինսի «Դեղին ամպ» հայտնի կիթառի մեկնարկային գինը 30 հազար դոլար է: Վաճառքի հանված իրերի ցանկում է նաեւ Դեւիդ Բոուիի մազափունջը:
