Թուրքիայի քաղաքացի Ռիֆաթ Չեթինը, որը 2014 թվականին Twitter-ում երկրի նախագահ Ռեջեփ Թայիփ Էրդողանի եւ «Մատանիների տիրակալից» Գոլումի լուսանկարներ է հրապարակել, մեկ տարվա պայմանական ազատազրկման է դատապարտվել: Այս մասին գրում է Gazeta-ն՝ վկայակոչելով Reuters-ը:
Չեթինը դատարանի առջեւ է կանգնել նախագահին վիրավորելու մեղադրանքով:
Թուրքական լրատվամիջոցների տվյալներով, Անթալիայի դատարանը վճռել է, որ Չեթինը մեկ տարի բանտում կանցկացնի, եթե հինգ տարվա ընթացքում եւս մեկ հանցանք կատարի: Դատարանը նրան նաեւ զրկել է նաեւ ծնողական իրավունքից, այլ մանրամասներ չեն հաղորդվում:
Թուրքական օրենսդրության համաձայն, այս հանցագործությունը պատժվում է մինչեւ 4 տարի ժամկետով ազատազրմամբ:
Ավելի վաղ հաղորդվել էր, որ մեկ այլ թուրքի՝ Բիլգին Չիֆչիի գործով դատական նիստը հետաձգվում է՝ փորձագիտական գնահատականի անհրաժեշտության պատճառով: Չիֆչիին աշխատանքից հեռացրել էին՝ նույն կերպարի հետ Էրդողանին համեմատելու համար:
Գոլումը «Մատանիների տիրակալը» ժապավենի հերոս է՝ նախկին հոբիթ, գունատ արարած, որը հալչում է արեւի լույսի ներքո եւ անձի երկվությամբ է տառապում: