Լոռու մարզում այսօր՝ հունիսի 23-ին տեղացած հորդառատ անձրեւները բազմաթիվ վնասներ են հասցրել: NEWS.am-ի թղթակիցը հաղորդում է, որ անձրեւների հետեւանքով հունից դուրս է եկել Տանձուտ գետը, որը վնասել է մարզի Շահումյան համայնքի մի քանի կամուրջներ, ճանապարհներ:
Հեղեղաջրերը քշել տարել է նաեւ մի անասնագոմ, սարից մեծ քանակությամբ քար ու ավազ է լցրել ճանապարհներին: Գյուղամիջյան մի շարք ճանապարհներ երկար ժամանակ անանցանելի են եղել, գյուղացիներն իրենց ուժերով են բացել այն:
Հեղեղը քշել տարել է նաեւ բանջարաբոստանային կուլտուրաները, գետի ջրի մակարդակի բարձրացման պատճառով ջրով են ծածկվել Վանաձորի Լենինգրադյան տնակային ավանի մի շարք տնակներ: Բազմաթիվ փողոցներ Վանաձորում գետերի են վերածվել:
Լուսանկարները՝ Ալեն Գրիգորյանի