ՌԴ ԱԳՆ պաշտոնական ներկայացուցիչ Մարիա Զախարովան չի բացառում, որ ԵՄ կազմից Մեծ Բրիտանիայի դուրս գալուց հետո ԵՄ մյուս պետություններն էլ առաջիկա տարիներին կսկսեն մտածել այդ մասին:
«Եթե ԵՄ-ն եւս մի քանի տարով հրաժարվի միջազգային հարցերում ու պատժամիջոցային քաղաքականությունում ինքնիշխան որոշումների կայացումից՝ նա նախադրյալներ կստեղծի իր տարածքում նորանոր հանրաքվեների համար: Չեմ զարմանա, եթե առանձին երկրների վերաբերող Grexit եւ Brexit տերմինների փոխարեն շուտով հայտնվի ունիվերսալ տերմին՝ Whoexit»,- իր էջում գրել է Զախարովան՝մեկնաբանելով Մեծ Բրիտանիայի հանրաքվեի արդյունքները:
Հունիսի 24-ին Մեծ Բրիտանիայում ամփոփել են նախօրեին կայացած հանրաքվեի արդյունքները՝ ԵՄ-ին երկրի անդամակցության վերաբերյալ: ԵՄ կազմից դուրս գալուն կողմ է քվեարկել բրիտանացիների 52 տոկոսը, իսկ դեմ՝ 48 տոկոսը: Մեծ Բրիտանիայում հանրաքվեները ռեկոմենդացիոն բնույթ ունեն: