Մեղրիի սահմանապահ ջոկատի աշխատակիցները հայ-իրանական սահմանին օրինախախտի են ձերբակալել, որը փորձել է անօրինական եղանակով թմրանյութ ներկրել Հայաստան, հայտնում է Հայաստանում Ռուսաստանի ԱԴԾ-ի Սահմանապահ վարչության մամուլի ծառայությունը:
««Ագարակի» անցակետում (Սյունիքի մարզ) սահմանապահական վերահսկողության ընթացքում զննվել է 1959 թվականին ծնված Իրանի Իսլամական Հանրապետության քաղաքացու մեքենան: Ծառայողական շան օգտագործմամբ զննման ընթացքում սահմանապահները պոլիէթիլենային փաթեթ են հայտնաբերել բաց կանաչ գույնի նյութով, որը ենթադրաբար բուսական ծագում ունեցող թմրանյութ է` մարիխուանա», — ասված է հաղորդագրության մեջ:
Գործող օրենսդրությանը համապատասխան, ձերբակալվածը փոխանցվել է Հայաստանի Մասային կոմիտեի մաքսանենգության դեմ պայքարի բաժանմունքի աշխատակիցներին հետագա քննության համար:
Ընթացիկ տարվա սկզբից Հայաստանում Ռուսաստանի ԱԴԾ-ի սահմանապահական վարչության աշխատակիցների կողմից «Ագարակի» անցակետում կանխվել է ուժեղ ազդեցությամբ ավելի քան 250 գ ընդհանուր քաշով թմրանյութերի ներկրումը:
