Ադրբեջանի մասնավոր կլինիկաներից մեկում կնոջ հիվանդ ոտքի փոխարեն առողջն են անդամահատել, հայտնում են ադրբեջանական լրատվամիջոցները:
«Շաքարախտով հիվանդ Թարլան Ալիեւայի ձախ ոտքը պետք է անդամահատվեր: Նրան վիրահատել են այսօր: Սակայն 82-ամյա կնոջ ազգականները իրենց աչքերին չէին հավատացել՝ տեսնելով, որ բորբոքված ու հիվանդ ձախ ոտքի փոխարեն առողջ աջ ոտքն են անդամահատել»,- հայտնել է «Ազերի փրես» գործակալությունը:
Այս միջադեպի կապակցությամբ Առողջապահության նախարարությունը ստեղծել է հատուկ հանձնաժողով ու սկսվել է հետաքննություն:
Բացի դրանից կատարվածը նաեւ հետաքննում են իրավապահ մարմինները:
