Boston Dynamics ընկերությունը, որը հայտնի է ATLAS մարդանման ռոբոտի ստեղծմամբ, նոր մեքենա է ներկայացրել: Քառոտանի ռոբոտն արտաքինից նման է ոսկեգույն ռեթրիվերի եւ փոքրիկ ընձուղտի: Այս մասին գրում է Lenta-ն՝ վկայակոչելով Gizmodo-ն:

SpotMini անունով ռոբոտին կարելի է իսկական շան նման սովորեցնել տարբեր հրահանգներ կատարել: Բայց SpotMini-ն կարող է ոչ միայն նստել եւ թաթը պարզել, այլեւ սպասք լվանալ եւ խմիչք բերել:

Ի տարբերություն մյուս բոլոր ռոբոտների՝ ընկնելուց հետո SpotMini-ն կարողանում է ինքնուրույն ոտքի կանգնել եւ շարունակել առաջ շարժվել: