ԵՄ-ից Մեծ Բրիտանիայի դուրս գալը հետեւանքներ կունենա ե՛ւ Եվրոպայի, ե՛ւ Ռուսաստանի համար, հայտնել է Ռուսաստանի նախագահ Վլադիմիր Պուտինը՝ ելույթ ունենալով ՇՀԿ գագաթաժողովի արդյունքներով, հայտնում է «ՌԻԱ Նովոստին»:
«Թե Մեծ Բրիտանիայի, թե ընդհանուր Եվրոպայի, թե մեզ համար դա (ԵՄ կազմից Մեծ Բրիտանիայի դուրս գալը) վերջին հաշվով հետեւանքներ կունենա»,- ասել է Պուտինը:
Հունիսի 23-ին Մեծ Բրիտանիայում կայացել է ԵՄ-ին երկրի անդամակցության վերաբերյալ հանրաքվե: Ըստ պաշտոնական տվյալների՝ ԵՄ կազմից երկրի դուրս գալուն կողմ է քվեարկել բրիտանացիների 51.9 տոկոսը: Բրիտանիայի վարչապետ Դեւիդ Քեմերոնը որոշել է հոկտեմբերին հրաժարական տալ՝ քաղաքացիների կամքի արտահայտությանը հետեւելու ու Միության կազմից դուրս գալու իրավունքը թողնելով հաջորդ վարչապետին:
