Թաիլանդում միջազգային օրվա կապակցությամբ թմրանյութեր են այրել։ Հունիսի 26-ին աշխարհում նշելու են թմրանյութերի չարաշահման եւ դրանց ապօրինի շրջանառության դեմ պայքարի օրը։ Այդ օրվա կապակցությամբ Թաիլանդում որոշել են ոչնչացնել ավելի քան 5 տոննա թմրանյութ, փոխանցում է NTDTV–ն։
Թաիլանդի իշխանությունները հայտնել են, որ իրենք 311 մլն դոլար արժողությամբ թմրանյութերի խմբաքանակ են առգրավել, հիմնականում մետամֆիտամին։
Ավելի վաղ Թաիլանդի արդարադատության նախարարն ասել էր, որ իր երկիրը պարտվել է թմրանյութերի դեմ պայքարում, քանի որ արգելված նյութերի չարաշահման պատիժը չի կարողացել կրճատել թմրանյութերից կախվածություն ունեցողների թիվը։