Երեւանի «Պերինատալոգիայի, մանկաբարձության եւ գինեկոլոգիայի ինստիտուտում» հունիսի 3-ին նորածնի մահվան դեպքով նշանակված բիքոքիմիական փորձաքննության պատասխանը փոխանցել են մանկաբույժին: Այս մասին NEWS.am-ի հայտնեցին ասաց մահացած նորածնի հարազատները:
«Մենք գումար ենք վճարել, որ բիոքիմիական փորձաքննություն նշանակվի: Վճարովի փորձաքննություն ենք արել, բայց պատասխանը փոխանցել են մանկաբույժ Գայանե Աղասովնային: Թե ինչու են նրան տվել, չգիտենք: Մեզ համար անհասկանալի է փորձագիտական կենտրոնի նման պահվածքը»,- ասացին հարազատները:
Նշենք, որ հարազատները հենց մանկաբույժ Գայանե Աղասովնային են մեղադրում նորածնի մահվան մեջ: Ըստ երեխայի մոր՝ Լուսինե Խշոյանի, երեխան ծնվել է առանց խնդիրների. թեեւ երեխային տեղափոխել էին Վերակենդանացման բաժանմունք, քանի որ ծնվել էր 34 շաբաթականում եւ անհրաժեշտ էր միացնել թթվածնային ապարատին: Ժամեր անց փոքրիկը մահացել է: Նրանք համոզված են՝ մանկաբույժի անփութության հետեւանքն է կատարվածը:
Ըստ հիվանդանոցի՝ երեխան մահացել է ներարգանդային ինֆեկցիայի հետեւանքով: