Ամերիկյան ՏՏ ընկերությունները սկսել են ավտոմատ ծրագրեր օգտագործել՝ սոցցանցերից ծայրահեղական բովանդակությունը, այդ թվում ահաբեկիչների մահապատիժների ու քարոզչությունների տեսագրությունները ջնջելու համար:
Համակարգն արդեն ներդրել են YouTube-ում եւ Facebook–ում: Ի սկզբանե այս տեխնոլոգիան նախատեսված է հեղինակային իրավունքի խախտումների որոնման համար:
Այն հազվագյուտ կոդի օգնությամբ որոնում է նախկինում տեղադրված ու արգելափակված տեսագրությունների անալոգները: Ավտոմատ կերպով ջնջվելու են միայն արդեն անընդունելի համարված տեսագրությունները:
Ընկերությունները նոր մեթոդի մասին տեղեկությունը չեն հաստատել: Աղբյուրները պատմել են, որ նոր տեսագրությունները համեմատվելու են արգելված բովանդակության տվյալների բազայի հետ, հայտնում է Reuters–ը:
Աղբյուրները հավելում են, որ ընկերությունները չեն հրապարակում մանրամասները, որպեսզի ահաբեկիչները հնարավորություն չունենան փոխելու իրենց սեփական ալգորիթմերը: