Boeing 767-300 օդանավը՝ 227 ուղեւորներով, չի կարողացել ժամանակին Սոչիից Մոսկվա թռնել օդանավի առջեւի ապակու վրայի ճաքի պատճառով: Չվերթը 10 ժամով հետաձգել են, հայտնում է «ՌԲԿ»-ն:
Օդանավը պատկանում է «ՎԻՄ Ավիա» ընկերությանը: Օդանավով չվերթի համար 227 ուղեւոր էր գրանցված, նրանք պետք է Մոսկվա թռնեին հունիսի 24-ին ժամը 23:10-ին: Գործակալությանը հայտնել են Հետաձգված չվերթի ուղեւորներին տրամադրվել են հյուրանոցային համարներ:
Միաժամանակ չվերթի ուղեւորներից մեկը Life պարբերականին հայտնել է, որ իրենց հյուրանոցային սենյակ չեն տրամադրել, ասելով որ ազատ տեղեր չկան: Օդանավակայանում պարբերականի աղբյուրը հայտնել է, որ հայտնի չէ թե ինչ պատճառով է ճաքել ապակին: