Երեխայի իրավունքների հարցերով լիազորված Պավել Աստախովը Life-ի հետ զրույցում քննադատել է change.org հարթակը, որում հայտնվել է իր հրաժարականի մասին վերջնագիրը: Նյութը գրելու պահին այն ավելի քան 60 հազար ստորագրություն էր հավաքել:
«Change.org-ը գրանցված է Սան Ֆրանցիսկոյում, հիմա արդեն ամերիկյան կայքերո՞ւմ ենք կարծիք հայտնելու: Այնտեղ մեծ թվով էլեկտրոնային բոտեր կան, այնտեղ գրանցվելու կարիք չկա», — ասել է նա` հավելելով, որ կարող է ստորագրածներին պատասխանել միայն իր պաշտոնում աշխատելով:
ՄԻՊ-ի հրաժարականի համար ստորագրահավաքը սկսվել է հունիսի 24-ին: Դրա առիթը հանդիսացել է «Հը, ո՞նց նավարկեցիք» հարցը, որ Աստախովը տվել էր Կարելիայի փոթորիկից ողջ մնացած երեխաներին:
Հունիսի 18-ին երեխաներով երկու նավակ եւ մի լաստանավ Սյամոզերում փոթորիկի մեջ էին ընկել: Արշավին ընդհանուր առմամբ 51 մարդ էր մասնակցում, ներառյալ չորս չափահաս: Հայտնաբերվել է 13 երեխայի մարմին, եւս մեկը անհետ կորած է համարվում: