Մեզնից շատերի համար հայկական մշակույթը անհավանական էկզոտիկ է. թեպետ մենք հիանում ենք սրբապատկերներով ու ձեռագրերով, բայց հայերեն գիրը մեզ համար անհասկանալի է։ Գյումրիում Հռոմի Պապը կայցելի Սրբոց նահատակաց մայր տաճարը, որը կառուցվել է անցյալ տարի։ Սակայն, կաթոլիկները Հայաստանում փոքրամասնություն են կազմում։ «Այդ դեպքում ինչու՞ է Պապը գնացել»,– հարցադրում է անում The Telegraph–ի հոդվածագիր Քրիստոֆեր Հաուզը։
«Երեք տարի առաջ ընտրվելուց հետո պոնտիֆիկոսի բարձրացրած թեմաներից մեկն այն է, որ քրիստոնյաներն ավելի միահամուռ են, երբ նահատակ են։ Քրիստոնեության թշնամիները, որպես կանոն, սպանելուց առաջ չեն հարցնում, թե կոնկրետ դու ինչ քրիստոնյա ես»,– գրում է հեղինակը՝ հավելելով, որ Հայաստանում նահատակությունը մշակույթի մի մաս է։
Հոդվածը հիշեցնում է, որ Գյումրիի մայր տաճարը նվիրված է 1915-1917թթ. սպանված հայերին։ «Պապը այդ սպանությունը ցեղասպանություն է որակել, նա այդ բառն օգտագործել էր դեռ Բուենոս Այրեսի Բերգոլիո Կարդինալ լինելու տարիներին»,– գրում է հեղինակը։