Հայաստանյան այցի երկրորդ օրը Հռոմի պապ Ֆրանցիսկոսը այցելել է Գյումրիի Սուրբ Տիրամոր Յոթ Վերք մայր տաճար եւ Սրբոց Նահատակաց կաթոլիկ եկեղեցի:

Սուրբ Տիրամոր Յոթ Վերք մայր տաճարում Հռոմի պապին ու Ամենայն հայոց կաթողիկոս Գարեգին Բ-ին դիմավորել են Հայ առաքելական եկեղեցու եպիսկոպոսները ու հաշմանդամների եւ սիրիացի փախստականների մի սակավաթիվ խումբ, հաղորդում է «Վատիկանի ռադիոն»:

Եկեղեցու մոտ Հռոմի պապի մոտ վազեցին մի քանի երեխաներ, փաթաթվեցին նրան: Հռոմի պապը օրհնեց երեխաներին:

Սուրբ Տիրամոր Յոթ Վերք մայր տաճարում լռության մեջ աղոթելուց ու Կաթողիկոսի հետ միասին Խաչի առջեւ խոնարհվելուց հետո Պապը իր առաքելական օրհնանքը հնչեցրեց:

Սուրբ նահատակների հայկական կաթոլիկ եկեղեցում հոգեւոր առաջնորդներին դիմավորեց Արեւելյան Եվրոպայի հայ կաթոլիկների առաջնորդ Ռաֆայել արքեպիսկոպոս Մինասյանը:

Փոքր եկեղեցու ներսում նրան սպասում էին հայ կաթոլիկ եկեղեցու բարերարները: