Ֆրանսիայի Ազգային ճակատի ղեկավար Մարին Լե Պենը Ֆրանսիայում ԵՄ կազմից դուրս գալու հանրաքվեի կողմնակից է։ Այս մասին նա ասել է Ֆրանսիայի նախագահ Ֆրանսուա Օլանդի հետ Ելիսեյան պալատում կայացած հանդիպումից հետո։
«Մենք հանրաքվեի կազմակերպման կողմնակից ենք, որպեսզի ֆրանսիացիները կարողանան ընտրել՝ ուզում են մնալ ԵՄ կազմում թե ոչ»,– ասել է Լե Պենը եւ նշել, որ, ցավոք, նախագահը բացասական պատասխան է տվել։
«Մենք կարծում ենք, որ դա վրդովեցուցիչ է, եւ չի կարելի ֆրանսիացիներին ընկալել որպես 5-րդ անիվ»,– հավելել է նա, փոխանցում է ՏԱՍՍ–ը։
Լե Պենի կարծիքով եվրոպական մայրաքաղաքները ճնշում են գործադրելու Լոնդոնի վրա, որպեսզի այդ գործընթացը հնարավորինս ցավոտ դարձնեն, որպեսզի մյուս ժողովուրդները չցանկանան հետեւել բրիտանացիների օրինակին։