Եվրամիությունից Մեծ Բրիտանիայի դուրս գալը «փաստացի անշրջելի է դարձնում» այդ կառույցի փլուզումը: Այս մասին նախազգուշացրել է միլիարդատեր ներդրող Ջորջ Սորոսը: Այդուհանդերձ, ինչպես հաղորդում է BBC-ն, նա կոչ է արել ԵՄ-ն փրկելու համար մանրամասն վերակառուցման ենթարկել այն:
Մինչ հանրաքվեն Սորոսը նախազգուշացրել էր ֆինանսական ճգնաժամի մասին եթե Մեծ Բրիտանիան կողմ քվեարկի ԵՄ-ից դուրս գալուն: Իր վերջին մեկնաբանություններում նա նշել է, որ հետեւանքները կվնասեն Մեծ Բրիտանիային:
«Բրիտանիան կարող է ավելի թեթեւ տանել ԵՄ-ից դուրս գալը, քան մյուս երկրները, բայց նրա տնտեսությունը եւ քաղաքացիները զգալիորեն կտուժեն կարճաժամկեն եւ միջինժամկետ հեռանկարում»,-ընդգծել է Սորոսը: