Բրիտանիայում ԵՄ անդամության հարցով նորից հանրաքվեի անցկացնելու հարցով հանձնագիրը ստորագրել է ավելի քան 2,7 մլն մարդ: Հունիսի 26-ի առավոտյան ստորագրողների թիվը հասել է հասել է 2 725 372-ի:
Այսպիսով, Միացյալ Թագավորության խորհրդարանը պարտավոր է քննարկել հանձնագիրը, քանի որ այդ դիմումի համար բավարար էր ընդամենը 100 հազար ստորագրությունը, սակայն այդ անհրաժեշտ նվազագույն քանակը գերազանցվել է 27 անգամ: Սպասվում է, որ Բրիտանիայի խորհրդարանի հանձնագրերի հարցերի հանձնաժողովի նիստը, որտեղ կքննարկվի կրկնակի հանրաքվեի հարցը, տեղի կունենա հունիսի 28-ին:
Հիշեցնենք, որ հունիսի 23-ին Մեծ Բրիտանիայում տեղի է ունեցել ԵՄ անդամության հարցով հանրաքվե, որի արդյունքում հաղթել են եվրաինտեգրման հակառակորդները: Բրիտանացիների 51,9 տոկոսը կողմ է արտահայտվել ԵՄ կազմից դուրս գալուն:
