Կարելիայի Սյամօզերոյում փրկարարները գտել են 14-րդ զոհված երեխայի դին, որը փոթորկից հետո անհետ կորած էր համարվում։
Իշխանությունների փոխանցմամբ, երեխայի դին գտել են ափից 100 մետր հեռավորության վրա։ Փրկարարները մինչեւ վերջին պահը հույս ունեին, որ 13-ամյա տղային կենդանի են գտնելու։
Տղան անհետ կորել էր հունիսի 18-ին փոթորկի ժամանակ, երբ 47 երեխաների տեղափոխող երկու նավերն ու մեկ լաստանավը հայտնվել էին վտանգավոր տեղում։ Նավակները շրջվել էին, 14 մարդ մահացել էր։ 33 երեխաների փրկել եւ տեղափոխել էին Մոսկվա ԱԻ նախարարի ինքնաթիռով։
Քննության տվյալներով, ճամբարի ղեկավարությունն է մեղավոր տեղի ունեցածի համար։