Երեւան-Էջմիածին ճանապարհին այսօր՝ հունիսի 26-ին,տեղի ունեցած ողբերագական ավտովթարի հետեւանքով մահացել է Երեւանի «Աստղիկ» ԲԿ տեղափոխված 27-ամյա Ռոման Բուդաղյանը: Այս մասին NEWS.am-ի հետ զրույցում ասաց «Աստղիկ» ԲԿ-ի գլխավոր բժիշկ Ռոբերտ Կուրղինյանը՝ նշելով, որ երիտասարդը Վերակենդանացման բաժանմունքում գիտակցության չգալով՝ մահացել է: Ռոման Բուդաղյանի հետ հիվանդանոց տեղափոխված 24-ամյա Գոռ Անդրիասյանը հետազոտվելուց հետո տեղափոխվել է Երեւանի կայազորային հոսպիտալ:
Ավելի վաղ տեղեկացրել էինք, որ Երեւան-Էջմիածին ճանապարհին այսօր՝ հունիսի 26-ին, «Պրիստիժ» տաքսի ծառայության ավտոմեքենայով Ռոման Բուդաղյանը բախվել է արգելապատնեշին, այնուհետե ավտոաշտարակին, ինչի հետեւանքով Ռոման Բուդաղյանի ուղեւոր 31-ամյա Մառլեն Պետրոսյանը մահացել է: