Հունիսի 26-ին Մոսկվայում բացվել է «Եդինայա Ռոսիա» կուսակցության վերջին համագումարը Պետդումայի ընտրություններից առաջ: Սպասվում է, որ հաստատվելու են թեկնածուների անունները, որոնք մասնակցելու են սեպտեմբերին նախանշված ընտրություններին:
Համագումարի առաջին օրը 10 քննարկում է նախատեսվում ամենատարբեր թեմաներով՝ տնտեսականից մինչեւ մշակութային: Հունիսի 27-ին տեղի կունենա լիագումար նիստը, որին կմասնակցի նաեւ կուսակցության նախագահ, ՌԴ վարչապետ Դմիտրի Մեդվեդեւը:
Ըստ «Կոմսոմոլսկայա պրավդա»-ի, ընդհանուր առմամբ համագումարին ավելի քան 2 հազար պատվիրակ կմասնակցի:
Ռուսաստանի նախագահ Վլադիմիր Պուտինը Պետդումայի պատգամավորների ընտրությունը նշանակել է սեպտեմբերի 18-ին:
