Ավելի քան 100 ներգաղթյալ փորձել է անցնել Մարոկկոյի եւ Իսպանիայի միջեւ սահմանային պատնեշը Մելիլիա քաղաք հասնելու համար, հայտնում է AFP-ն՝ վկայակոչելով տեղական իշխանություններին:
Տեղի կառավարության ներկայացուցիչ Իրեն Ֆլորեսի խոսքով՝ 120 հոգուց բաղկացած խումբը Աֆրիկայից փորձել է անցնել Իսպանիա 6 մ պատնեշի վրայով:
«Նրանցից միայն 30-ն են կարողացել անցնել այն եւ հայտնվել Մելիլիայում»,- ասել է Ֆլորեսը՝ հավելելով, որ նրանց ուղարկել են փախստականների եւ ներգաղթյալների կենտրոն:
Գործակալությունը նշում է, որ Մելիլիայում սահմանների պաշտպանության համակարգը բաղկացած է 6 մ բարձրությամբ երկու պատնեշներից, որոնց միջեւ խաչը խաչի վրա պողպատե մալուխներ են տեղադրված: