Շիրակի մարզի Արթիկ քաղաքում հունիսի 24-ին սելավատարերի խցանման հետեւանքով քաղաքի մանկապարտեզը խոնավացել է, այդ պատճառով երեխաները հունիսի 27-ին մանկապարտեզ չեն գնա: Այս մասին NEWS.am-ի հետ զրույցում ասաց Արթիկի քաղաքապետ Արսեն Աբրահամյանը: Նա նշեց, որ այն ջրալցումից հետո անհրաժեշտ է կարգի բերել:
Արսեն Աբրահամյանը նշեց, որ արդեն հաշվում են քաղաքին հասցված վնասների չափը, որից հետո կներկայացնեն կառավարություն:
Հիշեցնենք, որ հունիսի 24-ին վարարել է Ղարանղու գետը, խոշոր գլաքարերի կուտակումներ են առաջացել Մովրովի եւ Բմբուլենց սելավատարերում, ինչի հետեւանքով ջրալցվել են Արթիկի փողոցները:
Ջրալցվել է նաեւ Արթիկի թիվ 2 մանկապարտեզը, որտեղից փրկարարները դուրս են բերել 70 երեխա եւ 27 աշխատակից, որոնց տեղափոխել են անվտանգ տարածք, իսկ ջրալցված 13 շենք շինություններից՝ 60 բնակչի, ովքեր տեղափոխվել են հարազատների բնակարաններ: