Եվրոպական դիվանագիտության ղեկավար Ֆեդերիկա Մոգերինին ԵՄ երկրներին ուղարկել արտաքին քաղաքականության եւ անվտանգության քաղաքականության ոլորտում Եվրոպական գլոբալ ռազմավարության նախնական պատճենները: Այս հաղորդում է Եվրոպական արտաքին քաղաքականության ծառայության մամուլի ծառայությունը:
Մոգերինին պաշտոնապես ռազմավարությունը ԵՄ երկրների ղեկավարներին կներկայացնի հունիսի 28-29-ին Բրյուսելում տեղի ունենալիք ԵՄ գագաթաժողովի ժամանակ:
«Մեր միության նպատակը, անգամ գոյությունը կասկածի տակ է դրվում, սակայն մեր քաղաքացիները եւ աշխարհը կարիք ունեն ուժեղ Եվրամիության, ավելի, քան երբեւէ... Դա նույնիսկ ավելի արդիական է դարձել Մեծ Բրիտանիայում հանրաքվեից հետո»,-ասված է մոգերինի խոսքի նախաբանում:
Նրա խոսքով, պետք է վերանայել, թե ինչպես է աշխատում Եվրամիությունը: «Մենք գիտենք, թե ինչպիսին են մեր սկզբունքները, շահերն ու առաջնահերթությունները: Ժամանակ չկա անորոշությունների համար, մեր միությանը ռազմավարություն է պետք: Մեզ պետք է տեսլական եւ համատեղ գործողություններ»,-հայտարարել է եվրոպական դիվանագիտության ղեկավարը:
Նոր ռազմավարության նախագիծ մշակելու հանձնարարությունը Մոգերինին Եվրոպական խորհրդի կողմից ստացել է 2015-ի հունիսին:
Մեծ Բրիտանիայում հունիսի 23-ին հանրաքվե է անցկացվել ԵՄ կազմից դուրս գալու հարցով, որտեղ 51,9 տոկոսը կողմ է արտահայտվել ԵՄ կազմից դուրս գալուն:
