Իսպանիայում երկու տարեց ընտրողներ են մահացել ընտատեղամասում, որտեղ այսօր՝ հունիսի 26-ին, Գլխավոր Կորտեսի արտահերթ ընտրություններ են ընթանում:
92-ամյա տղամարդը կաթված է տարել այն բանից հետո, երբ քվեարկել է Մադրիդի Ortega y Gasset քոլեջում: Բժիշկները չեն կարողացել փրկել նրան, հաղորդում է La Sexta հեռուստաալիքը:
Սանտա Կոլոմա դե Ֆարներսի 79-ամյա բնակիչը նույնպես մահացել է ընտատեղամասում սրտի կաթվածից:
Նշենք, որ տեղի ժամանակով 14.00-ի դրությամբ քվեարկությանը մասնակցել է ընտրողների 37 տոկոսը:
Իսպանացիները պետք է ընտրեն խորհրդարանի ստորին պալատի 350 պատգամավորների եւ 208 սենատորների: Ընդհանուր առմամբ, Իսպանիայում ընտրելու իրավունք ունի 36,5 մլն քաղաքացի: Անցողիկ շեմը քաղաքական կուսակցությունների համար կազմում է 3 տոկոս:
Հարցումների համաձայն, առաջին տեղը կզբաղեցնի աջ ուղղվածության Ժողովրդական կուսակցությունը, երկրորդ տեղը՝ «Միավորվելով կարող ենք» դաշինքը (այստեղ միավորված են Podemos-ը եւ «Միավորված աջերը»):