Մեծ Բրիտանայի Լեյբորիստական կուսակցության յոթ անդամներ Եվրամիության կազմից երկրի դուրս գալուց հետո հայտարարել են պաշտոնից հեռանալու մասին՝ կասկածի տալ դնելով կուսակցության առաջնորդ Ջերեմի Քորբինի ղեկավարությունը: Այս մասին գրում է Gazeta-ն՝ վկայակոչելով Reuters-ը:
Sky News-ի հաղորդմամբ, պաշտոնից հեռանալու մասին հայտարարել են Գլորիա դե Պիերոն, Հայդի Ալեքսանդրը, Լյուսի Փաուելը, Յան Մյուրեյը, Լիլիան Գրինվուդը եւ Քերրի ՄաքՔարթին:
Ավելի վաղ հաղորդվել էր, որ պաշտոնից ազատվել է բրիտանական «ստվերային» կաբինետի ԱԳ նախարար Հիլարի Բենը:
Հունիսի 27-ին քննարկման կդրվի Քորբինին անվստահություն հայտնելու հարցը: Այն նախաձեռնած կուսակցությունից երկու պատգամավորներ կարծում են, որ նա բավականաչափ ակտիվություն չի ցուցաբերել ԵՄ-ի կազմից Մեծ Բրիտանիայի դուրս գալու դեմ: