Հորդանանի զինծառայողները ու երկրի հետախուզական ծառայությունների աշխատակիցները կանոնավոր կերպով գողանում ու վերավաճառում են ամերիկյան ԿՀՎ ու Սաուդյան Արաբիայի կողմից սիրիական խռովարարներին մատակարարվող զենքը, գրում է New York Times-ը :
Թերթի տվյալներով, Հորդանանի սեւ շուկայում հայտնվել է միլիոնավոր դոլարների արժողության զենքի մեծ հոսք, որը գնում են երկրի հանցավոր խմբավորումները ու մաքսանենգները: Նման եզրակացության են հանգել ՀԴԲ-ի աշխատակիցները ՝ 2015-ի նոյեմբերին կատարված միջադեպը ստուգելուց հետո, երբ հորդանանցի ոստիկանը կրակ էր բացել իր գործընկերների ու հրահանգիչների վրա, ինչի հետեւանքով չորս մարդ է զոհվել, եւս հինգն էլ վիրավորում է ստացել:
Թերթը գրում է, որ սիրիացիների վարժեցման ծրագիրը իրականացնում են ԿՀՎ-ն ու որոշ արաբական երկրների՝ մասնավորապես Սաուդյան Արաբիայի հետախուզական ծառայությունները, նախագահ Բաշար Ասադին գահընկեց անելու նպատակով: Ամերիկացի չինովնիկների խոսքով, ԿՀՎ-ն վերջին երեք տարում հասցրել է հազարավոր ապստամբների վարժեցնել:
«Զենքի յուրացումը... շեշտում է սպառազինման ու խռովարարների նախապատրաստման չծրագրված հետեւանքները»,- գրում է թերթը:
ԿՀՎ ու ՀԴԲ աշխատակիցները դեռ չեն մեկնաբանում այս տեղեկությունը, հայտնում է «ՌԻԱ Նովոստին»: