«Հանրապետական» կուսակցությունից ԱՄՆ նախագահի թեկնածու Դոնալդ Թրամփը համարում է, որ զանգվածային ներգաղթը կկործանի Եվրամիությւոնը, այս մասին նա հայտնել է The Times–ին տված հարցազրույցում:
Քաղաքական գործչի կարծիքով, եթե Եվրոպան շարունակի «գրկաբաց ընդունել փախստականներին», ապա տասը տարուց մայրցամաքը «անճանաչելիության աստիճանի կփոխվի»:
«Ես կարծում եմ, որ ԵՄ-ն կտրոհվի: Վստահ եմ, որ եթե չլիներ ներգաղթի խնդիրը, միության փլուզման մասին խոսք չէր լինի»,- հայտնել է միլիարդատերը:
Թրամփի կարծիքով, Եվրոպան չպետք է փախստականներին իր տարածք թողնի:
«Ես նրանց կօգնեի, բայց հետ կուղարկեի, ստեղծելով անվտանգության գոտու պես մի բան»,- հայտնել է նա:
Մեկնաբանելով Շոտլանդիայում հնարավոր հանրաքվեն՝ Միացյալ Թագավորությունից դուրս գալու մասին, Թրամփը կոչ է արել այս հարցում «զգուշավորություն դրսեւորել»:
Բացի դրանից միլիարդատերը նշել է, որ եթե ԱՄՆ նախագահ ընտրվի՝ մտադիր է մտերիմ հարաբերություններ ստեղծել տարածաշրջանի բոլոր երկրների հետ:
Ավելի վաղ Թրամփը հայտնել էր, որ բրիտանացիները վերադարձրել են երկրի հանդեպ վերահսկողությունը, քվեարկելով Եմ կազմից երկրի դուրս գալու օգտին:
ԵՄ կազմից Մեծ Բրիտանիայի դուրս գալու մասին հանրաքվեն կայացել է հունիսի 23-ին: Brexit -ի կողմնակիցները հաղթել են 51.9 տոկոս ձայներով, դեմ քվեարկել էին 48.1 տոկոսը: