Իսրայելի վարչապետ Բինյամին Նեթյանահուն ԱՄՆ փոխնախագահ Ջո Բայդենի հետ հետհեռախոսազրույցում շնորհակալություն է հայտնել նրան Իսրայլեի ու Թուրքիայի միջեւ բանակցություններին աջակցելու համար, հայտնում է «ՌԻԱ նովոստին»:
«Փոխնախագահը շնորհավորել է վարչապետին Թուրքիայի հետ հարաբերությունների կարգավորման առումով առաջընթաց ապահովելու համար, նշելով թե երկու երկրների, թե Միջերկրական ծովի արեւելյան տարածաշրջանի մյուս երկրների համար այդ կարգավորման զգալի օգուտները տնտեսության ու անվտանգության ոլորտներում»,- նշել են Սպիտակ տանը:
Մինչ այդ հայտնել էին, որ Իսրայելն ու Թուրքիան պայմանավորվել են կարգավորել հարաբերությունները: Այդ մասին պաշտոնական հայտարարությունը ակնկալվում է, որ կարվի հունիսի 27-ին:
Իսրայելն ու Թուրքիան անցյալում ռազմավարական գործընկերներ էին, բայց նրանց հարաբերությունները փչացել էին 2010-ին, երբ Իսրայելի ծովային հետեւակայինները սպանել են տասը թուրք ակտիվիստների, որոնք Պակիստանին էին աջակցում, ու մտադիր էին ճեղքել Գազայի հատվածի շրջափակումը: