16 զինվորականով ուղղաթիռը ռադարներից անհետացել է Կոլումբիայում, որոնումներ են կատարվում, հայտնում է Telesur հեռուստաալիքը` վկայակոչելով աղբյուրներին:
Հեռուստաալիքի տվյալներով, միջադեպը տեղի է ունեցել կիրակի երեկոյան:
«Կոլումբիայի ազգային բանակի Մի-17 ուղղաթիռը, որը օպերատիվ առաջադրանքներ էր կատարում եւ տեղաշարժվում էր Կիբդո-Տոլեմաիդա ուղղությամբ, վերջին անգամ կապի է դուրս եկել Տոլիմայի դեպարտամենտի հյուսիսում գտնվող Մարիկիտայի նահանգից 35 մղոն հեռու», — հայտնել են կոլումբիացի զինվորականները:
Ներկայումս անհետացած ուղղաթիռի որոնումներ են ընթանում:
Արտակարգ պատահարի պատճառն անհայտ է: Հեռուստաալիքի տվյալներով, այն շրջանում, որտեղ կորել է ուղղաթիռի հետ կապը, հորդառատ անձրեւներ են տեղացել, հայտնում է «ՌԻԱ Նովոստին»: