Վեց տարվա լարվածությունից հետո Թուրքիայի հետ հարաբերությունների կարգավորումը հսկայական հետեւանքներ կունենա Իսրայելի տնտեսության համար: Նման հայտարարությամբ է հանդես եկել հրեական պետության վարչապետ Բենյամին Նեթանյահուն Հռոմում ԱՄՆ-ի պետքարտուղար Ջոն Քերրիի հետ բանակցություններից հետո:
«Ես (Թուրքիայի հետ) հարաբերությունների կարգավորմանն ուղղված քայլը շատ կարեւոր եմ համարում», - ասել է Նեթանյահուն: Նրա խոսքով, հարաբերությունների կարգավորման մասին համաձայնագիրը հսկայական հետեւանքներ կունենա Իսրայելի տնտեսության համար», հայտնում է AFP-ն:
