Եվրախորհրդարանը Մեծ Բրիտանիայի դուրս գալու վերաբերյալ արտահերթ բանաձեւը կընդունի հունիսի 28-ին: Այս մասին հայտնել է Եվրախոհրդարանի մամուլի ծառայությունը:
«Հունիսի 28-ին Եվրախորհրդարանը կհավաքվի արտահերթ նստաշրջանի ՝ Մեծ Բրիտանիայում հանրաքվեի արդյունքները քննարկելու համար: Կընդունվի բանաձեւ, որի նախագիծը պատրաստվում է հիմա»,- հայտնել է մամուլի ծառայությունը:
Բրյուսելում աղբյուրների տեղեկացմամբ՝ բանաձեւը ներառելու է կոչ, որ Մեծ Բրիտանիան հնարավորինս շուտ տեղեկացնի միությունը լքելու իր մտադրության մասին՝ Լիսաբոնյան պայմանագրի 50-րդ հոդվածի համաձայն: ԵԽ-ն պնդելու է, որ հնարավորինս շուտ սկսվեն ու ավարտվեն Մեծ Բրիտանիայի դուրս գալու վերաբերյալ բանակցությունները: Եվրապատգամավորները համարում են, որ որքան երկար շարունակցի անորոշությունը Լոնդոնի կարգավիճակի հարցում, այդքան մեծանալու է դոմինոյի էֆեկտի հավանականությունը:
Բացի դրանից եվրոպատգամավորները մտադիր են աջակցել 2017-ին ԵՄ խորհրդում ռոտացիոն նախագահության ժամանակացույցի վերանայմանը, քանի որ 2017-ի երկրորդ կեսին նախագահող երկրի գործառույթները պետք է Մեծ Բրիտանիան կատարեր: