Մեծ Բրիտանիան, որը հանրաքվեին քվեարկել է ԵՄ կազմից դուրս գալու օգտին, այլեւս հետդարձի ճանապարհ չունի, ասել է Բելգիայի վարչապետ Շառլ Միշելը La Derniere Heure.–ին տված հարցազրույցում:
Միշելը կոչ է արել բրիտանացիներին հասկանալ, որ իրենք չեն կարող վերադառնալ կամ էլ հետաձգել այս հարցով որոշումը:
«Ընդունե՛ք ձեր ընտրությունը, անկախ նրանից թե որքան դրամատիկ է այն»,- պնդում է վարչապետը:
Միշելը հիշեցրել է, որ փետրվարին ԵՄ-ն զիջումների է գնացել Բրիտանիայի վարչապետ Դեւիդ Քեմերոնին ու բացառություն արել երկրի համար՝ միգրացիոն քաղաքականության ու սոցծառայությունների ոլորտի հարցերում: Սակայն հիմա այդ համաձայնագրերը արդեն «աղբամանում են»:
Վարչապետը հայտնել է, որ մտադիր չէ «վճարել» Brexit–ի համար ու համաձայնել Եվրահանձնաժողովի նախագահ Ժան Կլոդ Յունկերի այն առաջարկին, որ Բրիտանիայի 1.6 հազար չինովնիկներ կարող են շարունակել աշխատել Բրյուսելում:
«Հիմա ինձ համար կան միայն բելգիական ու եվրոպական շահեր, այլ ոչ թե բրիտանական: Հետդարձի ճանապարհ չկա: Նրանք պետք է հասկանան, որ դրամատիկ ընտրություն են կատարել Մեծ Բրիտանիայի, այլ ոչ թե Եվրամիության ապագայի համար»,- մեջբերումէ թերթը Միշելին, հայտնում է Gazeta-ն: