RoomGuru.ru հյուրանոցների որոնման համակարգը պարզել է ռուսաստանցի զբոսաշրջիկների շրջանում ամառային հանգստյան օրերի ուղեւորությունների ամենատարածված ուղղությունները:
Վարկանիշը կազմվել է 2016 թվականի հունիսի 1-ից օգոստոսի 31-ը երկօրյա հանգստի համար որոնման արդյունքների եւ հյուրանոցների ամրագրման տվյալների հիման վրա:
Ամենատարածված արտասահմանյան քաղաքների տասնյակում ներառվել են Պրահան, Մինսկը, Բաքուն, Թբիլիսին, Երեւանը, Տալինը, Ռիգան, Վիլնյուսը, Բարսելոնան եւ Վարշավան:
RoomGuru.ru-ի տվյալներով, ամռանը Երեւան են ժամանում միջինը 3 օրով եւ հյուրանոցում իջեւանելու համար օրական առնվազն 48 դոլար են վճարում:
Ամենաէժան հյուրանոցները Մինսկում են (օրական միջինը 38 դոլար), ամենաթանկը՝ Լոնդոնում (օրական ավելի քան 150 դոլար):
Ամառային արձակուրդին Պրահա մեկնում են միջինը 5 օրով՝ իջեւանելու համար միջինը ծախսելով 60 դոլար, Թբիլիսիում իջեւանում են օրական 43 դոլարով: Ամենաերկար ուղեւորությունը կատարում են Բարսելոնա՝ 6 օր, իսկ ամենակարճը՝ Վիլնյուս (1.5 օր):