Լոռու մարզի Շահումյան գյուղում այսօր տեղի ունեցած փլուզումը մեծ վտանգ է ներկայացնում նաեւ հարեւանությամբ գտնվող սեփական մի քանի տների համար:
NEWS.am-ի թղթակիցը Շահումյան գյուղից հաղորդում է, որ փլուզումը գրանցվել է առավոտյան ժամը 7-ի սահմաններում: Հիմնական պատճառը սելավաջրերն են, որոնք հողահոսք են առաջացել: Վտանգի տակ են նաեւ թաղամասի էլեկտրասյուները: Չնայած այս ամենին, էլեկտրոցանցի աշխաակիցները փորձել են ամրացնել հենասյոները, սակայն դրանց ընկնելու վտանգը եւս մեծ է:
Հարեւանությամբ ապրող բնակարանների տերերը NEWS.am-ի թղթակցի հետ զրույցում հայտնել են, ո իրենք հավանաբար այսօր արդեն լքեն րենց բնակարանները, քանի որ ցանկացած պահի այն կարող է փլվել. «Թող գոնե համապատասխան կառույցները լիցք անեն, կամ չգիտեմ ինչ, թե չէ ամեն պահի մեր տներն էլ են ներքեւ թափվելու, մենք էլ մեջը»,-ասել է հարակից տան բնակիչը:
Հավելենք, որ վերջին օրերի հորդառատ աձրեւները բազմաթիվ փլուզումների պատճառ են դարձել Շահումյան գյուղում: Փլուզվել են կամուրջներ, անասնագոմեր, ճանապարհներ, որոնց մեծ մասը անանցանելի է: Հողահոսքերը Շահումյանում շարունակվում են:
