Չինաստանի իրավապահները Հանչժոու քաղաքի երկաթուղու հարեւանությամբ անգիտակից վիճակում պատանու են հայտնաբերել, որը վեց օր անդադար ինտերնետ-սրճարանում խաղացել է: Այս մասին գրում է Gazeta-ն՝ վկայակոչելով Daily Mail-ը:
Վեց օր շարունակ Չենը դուրս չի եկել ինտերնետ-սրճարանից՝ այնտեղ ծախսելով բոլոր փողերը: Պատանին խոստովանել է, որ իր «մարաթոնի» վերջին երեք օրերի ընթացքում ոչինչ չի կերել եւ չի խմել: Ոստիկանները նաեւ հայտնաբերել են, որ տղայի ոտքերը պատված են մոծակի խայթոցներով, որոնք արնահոսում եւ փտում են:
Համակարգչային խաղերից կախվածություն է առաջանալուց ի վեր 19-ամյա Չենի հայրը որդուն անհետ կորած էր համարում: