«Հայկական ժամանակ» թերթը գրում է. «Մեր տեղեկություններով, ՀՀ Ազգային ժողովի պատգամավոր Սամվել Ալեքսանյանի կողմից իր աշխատակցին՝ Արմեն Իսրայելյանին առեւանգելու՝ «ՀԺ»-ի հրապարակումների հիման վրա ՀՔԾ-ում հարուցվել է քրեական գործ՝ մի քանի դրվագներով:
Մասնավորապես, քրեական գործ է հարուցվել ՀՀ քրեական օրենսգրքի 131-րդ հոդվածի 2-րդ մասին առաջին եւ 7-րդ կետերով (մարդուն առեւանգելը, որը կատարվել է մի խումբ անձանց կողմից շահադիտական դրդումներով), ՀՀ ՔՕ 182-րդ հոդվածի 2-րդ մասի 2-րդ կետով (շորթում, որը կատարվել է մի խումբ անձանց կողմից) եւ ՀՀ ՔՕ 309-րդ հոդվածի 1-ին մասով (պաշտոնեական լիազորություններն անցնելը):
Մեր այս տեղեկությունները երեկ հաստատեց Հատուկ քննչական ծառայության մամուլի քարտուղար Միքայել Ահարոնյանը՝ հավելելով, որ կատարվում է նախաքննություն:
Հիշեցնենք, որ ՀՀ ԱԺ պատգամավոր Սամվել Ալեքսանյանի նախկին աշխատակից Արմեն Իսրայելյանը, որը 2002 թվականից աշխատել է պատգամավորն պատկանող ընկերություններից մեկում, պնդում էր, որ Ալեքսանյանն իրեն ունեցվածքից զրկել է՝ տիրանալով իր ընտանեկան բիզնեսներին»:
Առավել մանրամասն՝ թերթի այսօրվա համարում