Գվատեմալայում սպանվել է Ilusion ռադիոկայանի տնօրենը։ Այս մասին հայտնում է «ՌԻԱ Նովոստի»–ն՝ վկայակոչելով Լրագրողների լատինաամերիկյան դաշնությանը։
Ալվարո Ասեյտունոն մահացել էր հիվանդանոցում այն բանից հետո, երբ չարագործները նրա ուղղությամբ մի քանի փամփուշտ էին արձակել, որոնցից մեկը կպել էր նրա գլխին։
Ռադիոկայանում նորությունների ծրագիր վարող հաղորդավարի վրա հարձակման պատճառները դեռ հայտնի չեն։ Ոստիկանությունը հետաքննություն է տանում։
Սա 2016-ին Գվատեմալայում լրատվամիջոցների աշխատակիցների սպանության 4-րդ դեպքն է։