Էստոնիայի նախագահի թեկնածու, երկրի նախկին վարչապետ Սիիմ Կալլասը հայտնել է, որ դեռեւս մի շարք երկրներ կարող են դուրս գալ Եվրոպական Միության կազմից, հայտնում է ERR-ը:
Նրա խոսքով, ԵՄ-ն անկայունության ժամանակաշրջան է մտնում եւ կարելի է արագ փոփոխություններ սպասել:
«Փոփոխություններ կլինեն, բայց հարցն այն է, թե ճշգրիտ ինչ: Կարծում եմ, որ քայլ կարվի ֆեդերալիզացիայի ուղղությամբ», — նշել է նա:
Կալլասը նաեւ ընդգծել է, որ ամենասեւ սցենարի դեպքում Եվրոպական Միությունը կկրճատվի մինչեւ 10 պետություն եւ մնացած բոլոր երկրներին կառաջարկվի անդամություն Եվրոպական տնտեսական գոտում:
