Brexit-ի հետեւանքները Մեծ Բրիտանիայի ու ԵՄ-ի համար դեռ հնարավոր չէ կանխատեսել, նման իրավիճակ առաջին անգամ է ստեղծվում վերջին 60 տարում: Այս մասին Գերմանիայի կանցլեր Անգելա Մերկելը ասել է Բունդեսթագում իր կառավարական հայտարարության մեջ, որը վերաբերում էր ԵՄ գագաթաժողովի օրակարգին, հայտնում է ՏԱՍՍ-ը:
ԵՄ-ն առաջվա պես Մեծ Բրիտանիային կարեւոր գործընկեր է համարում, Լոնդոնը նաեւ ինքը պետք է շահագրգռված լինի ԵՄ-ի հետ բարեկամական հարաբերություններ պահպանելու հարցում, նշել է Մերկելը: Նրա խոսքով կարեւոր է առաջ շարժվել եվրոպական ինտեգրման գործում ու թույլ չտալ ԵՄ-ում կենտրոնախույս ուժերի ուժեղացում:
Գերմանիան մտադիր է շարունակել սերտ համագործակցությունը Մեծ Բրիտանիայի հետ ՆԱՏՕ-ի շրջանակում, հայտնել է Մերկելը:
Գերմանիայի խորհրդարանը հունիսի 28-ին արտահերթ նիստ էր գումարել՝ ԵՄ կազմից Բրիտանիայի դուրս գալու որոշման կապակցությամբ: