Չինական շուկա դուրս գալու մասին պայմանագիրը ստիպում է ունենալ ապրանքի համապատասխան ծավալ: Այս մասին հունիսի 28-ին մամուլի ասուլիսի ժամանակ ասել է Հայաստանի Արդյունաբերողների ու ձեռներեցների միության նախագահ Արսեն Ղազարյանը, անդրադառնալով Հայաստանի ու Չինաստանի ժողովրդական հանրապետության տնտեսական հարաբերություններին:
Նրա խոսքով չինական շուկայի էֆեկտը հենց դա է: Տարեցտարի Հայաստանի ու Չինաստանի միջեւ ապրանքաշրջանառությունն ավելանում է: «Կատակում ենք, որ եթե յուրաքանչյուր չինացի տարեկան գոնե մեկ բաժակ ծիրանի հյութ խմի, մենք պետք է մեր ծառերի քանակը տասնապատիկ ավելացնենք: Հայ տարբեր արտադրողների ապրանքներով բեռնված մի քանի արկղեր արդեն արտահանվել են խոշոր առեւտրի կենտրոն, որը գտնվում է Նինգբո քաղաքի մոտ»,- նշել է Ղազարյանը:
Նինգբո քաղաքի ազատ առեւտրի գոտու տարածքում հունիսի 11-ին բացվել է Հայ ազգային վաճառասրահը: «Մենք ակնկալում ենք, որ վաճառասրահի բացումը կխթանի Հայաստանի ու Չինաստանի առեւտուրը: Մենք պետք է որոնենք շուկաներ, որտեղ ճանապարհների հետ խնդիրներ չկան, ու մեր ձեռներեցներին կոչ անենք դիվերսիֆիկացնել արտահանումը ու հույսեր չկապել միայն մեր ռազմավարական գործընկերոջ՝ Ռուսաստանի շուկայի հետ, քանի որ ֆորս մաժորային իրավիճակների դեպքում ճանապարհը կարող է ամիսներով փակ լինել»,- հավելել է Արսեն Ղազարյանը: