ՌԴ Լենինգրադի մարզի Կուդրովո բնակավայրում մոտ 100 գասթարբայթեր ծեծկռտուք են սարքել։ Քաշքշուկի մասնակիցներն օգտագործել են ամրաններ, փայտեր եւ քարեր, ինչպես նաեւ կրակել են տրավմատիկ զենքից։ Նրանցից ոմանք վնասվածքներ են ստացել։ Ոստիկանությունը ձերբակալել է 20 հոգու, հայտնում է 47news.ru–ն։
Ծեծկռտուքը տեղի է ունեցել երկուշաբթի երեկոյան բնակելի տների շինարարության հրապարակում։ Մեքենայով անցնող դաղստանցին վեճի էր բռնվել այնտեղ աշխատող միջինասիացի ներգաղթյալների հետ։ Ականատեսները պնդում են, որ մեքենան անցնելիս ջուր է ցանել կանգնածներից մեկի վրա։ Դրա պատճառով վարորդին ծեծել են, սակայն ն ավելի ուշ վերադարձել է, դրանից էլ ծեծկռտուք էր սկսվել։
Թե քանի հոգի է վիրավորվել, չի հաղորդվում։ Կողաշրջվել է 3 մեքենա։