Apple սարքերից օգտվողների վրա նոր վիրուսային հարձակում է եղել: Այս մասին հայտնում է ESET ընկերության հետազոտությունը, փոխանցում է Gazeta–ն:
Մասնագետների տվյալներով, խաբեբաները Apple Service–ի անունից վիրուսի մասին հաղորդագրություններ են ուղարկում iTunes տվյալների բազային: Չարագործները տեխնիկական աջակցության պատրվակով առաջարկում են մուտք գործել ֆիշինգային կայք ու «շտապ ստուգել անձնական տվյալներն ու բանկային ռեկվիզիտները»: Կայքը նմանակում է iTunes Connect մեկնարկային էջը, որտեղ օգտատերերին առաջարկում են մուտքագրել Apple ID-ն ու գաղտնաբառը:
Փորձագետները պարզել են, որ ցանկացած՝ նույնիսկ ոչ հավաստի տեղեկություն մուտքագրելու դեպքում խաբեբաների կայքը ձեր էջին կուղարկի «iTunes–ի հաշվի հաստատում»: