ԱՄՆ Հարավային Քալիֆորնիայի տներից մեկում մահացած են գտել 2 կնոջ եւ մեկ դեռահաս աղջկա։ Տունը գտնվում է երկրի ամենահարուստ համայնքներից մեկում։ Ոստիկանությունը մարմինները գտել էր այն բանից հետո, երբ երեխաների նկատմամբ դաժան վերաբերմունքի մասին ահազանգ էր ստացել, հայտնում է Americaru–ն։
Իրավապահները ժամանել են Սան Դիեգոյի Սանտա Ֆե Ռանչո եւ առանձնատան պատուհանից տեսել մահացած կնոջը, ասել է շերիֆի օգնական Քենն Նելսոնը։ Տեսնելով նրան՝ ոստիկանները ներս են մտել եւ հայտնաբերել մեկ այլ կնոջ դի։
Բոլոր երեք կանանց մարմինների վրա բռնության հետքեր են եղել։ Թե կոնկրետ ինչ վնասվածքներ են եղել նրանց մարմինների վրա, չի հաղորդվում։
Իրավապահները պարզում են մահացածների ինքնությունն ու կատարվածի դրդապատճառները։