Starwood Hotels & Resorts Worldwide ընկերությունը Կուբայում առաջին ամերիկյան հյուրանոցն է բացել: Այս մասին գրում է Gazeta-ն՝ վկայակոչելով NBC News-ը:
Հյուրանոցը Կարիբյան ծովի ափին է: «Սա պատմական պահ է»,- նշել է հյուրանոցի մամուլի ծառայության ներկայացուցիչ Նենսի Սարաբիան՝ հավելելով, որ այն «եղբայրության եւ համագործակցության խորհրդանիշ է»:
Կուբայի նկատմամբ ԱՄՆ-ի սահմանած տնտեսական էմբարգոն ուժի մեջ է, սակայն Բարաք Օբամայի վարչակազմը մեղմացրել է սահմանափակումներն առեւտրի եւ ներդրումների ոլորտում:
Starwood ընկերության հյուրանոցն առաջին խոշոր գործարքն է Կուբայի եւ ԱՄՆ-ի միջեւ: Առաջիկա մի քանի օրերին իջեւանատան բոլոր համարներն ամրագրված են:
Նշվում է, որ իջեւանելու մեկ գիշերվա արժեքը շուրջ 200 դոլար է: