Մեծ Բրիտանիայից պատգամավորները կշարունակեն մնալ Եվրախորհրդարանում (ԵԽ), քանի դեռ երկիրը Եվրամիության մաս է կազմում: ԵԽ ղեկավարը չի կարող նրանց խնդրել պաշտոնանկ լինել: Այս մասին Բրյուսելում կայացած ասուլիսում հայտարարել է ԵԽ ղեկավար Մարտին Շուլցը:
«Եվրախորհրդարանականներն ազատ են իրենց մանդատի շրջանակում, ԵԽ նախագահը չի կարող ո՛չ հրապարակայնորեն, ո՛չ խորհրդարանի ներսում նրանց խնդրել ազատվել ԵԽ անդամի պաշտոնից: Բրիտանիան ԵՄ անդամ է, եւ քանի դեռ դա այդպես է, այդ երկրի պատգամավորները ԵԽ անդամ են: Երբ սկսվի 50-րդ հոդվածի շուրջ աշխատանքը, այդ հարցով Եվրոպայի Խորհուրդ եւ Եվրախորհրդարան ուղարկված համապատասխան հայտարարությունից հետո, այդ հարցը կարող է առաջանալ»,- ասել է Շուլցը: