Ստամբուլի Աթաթուրքի անվան միջազգային օդանավակայանի ավտոկանգառում հունիսի 28-ի ուշ երեկոյան պայթյուններից հետո երկրի նախագահ Ռեջեփ Թայիփ Էրդողանը նախագահական պալատում փոխվարչապետերի ու նախարարների մասնակցությամբ արտակարգ ժողով է հրավիրել։
Թուրքական Milliyet-ի փոխանցմամբ՝ դեպի նախագահական պալատ են մեկնել ԶՈՒ գլխավոր շտաբի պետը, փոխվարչապետերը եւ մի շարք նախարարները։ Նախագահ Էրդողանը ժողովից հետո ԶՈՒ գլխավոր շտաբի պետի հետ ուղիղ եթերում հետեւում է տեղի ունեցող զարգացումներին։
Հիշեցնենք, որ Ստամբուլի Աթաթուրքի անվան միջազգային օդանավակայանի ավտոկանգառում հունիսի 28-ի ուշ երեկոյան պայթյունների ու հրաձգության հետեւանքով սպանվածների թիվը 28-ի է հասել։ Այս մասին հայտնել է Ստամբուլի նահանգապետ Վասիփ Շահինը։
