Հայաստանի պաշտպանության նախարար Սեյրան Օհանյանը չի մեկնաբանում իր պաշտոնանկության մասին լուրերը. «Հայաստանի պաշտպանության նախարարը երբեք չի հրաժարվի հայրենիքին իր ծառայությունները մատուցելուց»,- այս մասին այսօր՝ հունիսի 29-ին, Եռաբլուր զինվորական պանթեոնում լրագրողների հետ զրույցում ասաց նախարարը:
Նշենք, որ ապրիլյան քառօրյա պատերազմից հետո ակտիվ լուրեր են շրջանառվում ՀՀ պաշտպանության նախարար Սեյրան Օհանյանը եւ ՀՀ զինված ուժերի գլխավոր շտաբի պետ Յուրի Խաչատուրովը, հնարավոր է, պաշտոնանկ արվեն, քանի որ իշխանությունները նրանց աշխատանքից դժգոհ են: